19 Dec A ekzistojne vitamina që ndihmojnë me kujtesën dhe përqendrimin?
Kujtesa dhe përqendrimi janë faktorë të ndryshueshëm, të cilat varen gjithashtu nga lodhja dhe stili i jetës. Në mënyrë që mendja jonë të funksionojë në mënyrë sa me të mirë, këshillohet të përdorim vitamina për kujtesën dhe përqendrimin. Në fakt, ka vitamina thelbësore për trurin por që të jeni në gjendje t’i përdorim ato në mënyrë korrekte duhet më parë të njihemi me to.
Studime shkencore kanë treguar se ashtu si shumica e organeve në trupin e njeriut, edhe truri ka nevojë të mbështetet nga ushqimi i duhur, i cili ndihmon ne furnizimin e tij të duhur me lëndë ushqyese.
Në përgjithësi, rekomandohet konsumimi i të paktën pesë vakteve me fruta dhe perime çdo ditë, të cilat janë thelbësore për t’i siguruar trupit vitaminat dhe mineralet e nevojshme.
Vitaminat për kujtesën dhe përqendrimin: Antioksidantët
Antioksidantët, të nevojshëm për të mbrojtur trurin nga veprimi i radikalëve të lirë, duke përmirësuar kështu aktivitetin e kujtesës, janë vitaminat A, C dhe E të pranishme në ushqime të ndryshme. Nga keto ushqime vlen të përmenden karrota, domatja, brokoli, agrume, manaferra dhe kajsia. Gjithashtu disa lloje frutash të thata si arra , lajthia dhe farat e lulediellit. Në përgjithësi, të gjitha ushqimet që kanë ngjyrë të verdhë-portokalli përmbajnë një dozë të mirë të antioksidantëve. Këto, për shkak të përmbajtjes së ketyre vitaminave, janë të përshtatshme për të përmirësuar strukturën e enëve të gjakut, duke ushqyer trurin në që të përmirësojë koordinimin, kujtesën dhe ekuilibrin.
Vitaminat e grupit B për kujtesën
Ndër vitaminat më të rëndësishme për kujtesën dhe përqendrimin ne gjejmë vitaminat B, tetë në total, që kontribuojnë në qëllime të ndryshme.
Për shembull tiamina, e cila përdoret për të shndërruar karbohidratet në energji dhe mund të merren kryesisht nga ushqime të plota (krunde, drithëra, elb).
Gjithashtu vlen të përmendet Vitamina B9 (ose acid folik), e cila kontribuon në funksionin normal psikologjik, duke mbështetur trurin në transmetimin e informacionit. Në natyrë, është e mundur të gjesh vitamina B brenda ushqimeve të ndryshme.
Ushqimet që kanë përqindje të lartë të vitaminave B janë: kikirikët, të verdhat e vezëve dhe fasulet (këto të fundit janë të pasura me kolinë, një vitaminë B thelbësore për kujtesën dhe zhvillimin e qelizave të trurit) gjithashtu asparagu, peshku dhe produktet e qumështit.
Vitaminat e grupit D
Në natyrë, vitamina D ekziston vetëm në dy variante. Vitamina D2 që gjendet kryesisht në ushqim dhe vitamina D3, që sintetizohet nga lëkura pasi ekspozohet ndaj rrezeve të diellit. Të dy llojet e vitaminës D janë thelbësore për trupin e njeriut, gjithashtu ato kontribuojnë në funksionimin e duhur të sistemit imunitar dhe në ruajtjen e niveleve normale të kalciumit në gjak.
Vitamina D2 gjendet kryesisht në disa lloje peshqish (përfshirë salmonin, merlucin dhe sardelet), gjithashtu te vezët ,produktet e qumështit, në disa perime dhe kërpudha.
Dieta dhe stili i jetës
Të kesh një dietë të larmishme dhe të ekuilibruar është e nevojshme për të siguruar që truri funksionon si duhet. Por studimi i dietave dhe kombinimeve të ushqimit në të vertetë nuk është e lehtë. Megjithatë, ekziston një menyrë e dobishme që mund të na ndihmojmë për tëd dalluar se ku mund ti gjejmë vitaminat: NGJYRA.
Vitamina C është e pranishme në ushqimet që kanë një ngjyrë të kuqe, portokalli ose të verdhë, që do të thotë se mund të gjendet te agrumet, domatet, specat, karrotat.
Vitamina E ka tendencë të jetë më e përqendruar në ushqime që nuk kanë ndonjë ngjyrë, si psh farat e lulediellit, arrat dhe avokadot.
Acidi folik, ose vitamina B12, mungesa e së cilës mund të shkaktojë humbje të kujtesës, gjendet kryesisht në perime me gjethe jeshile, bishtajore dhe fruta.
Për të mbështetur përqendrimin dhe kujtesën, veçanërisht në periudhat kur jeni të stresuar, ushqyerja me suplementet e nevojshme si vitamina B, C dhe E është shumë e rëndesishme.
Kripëra minerale të dobishme për mbrojtjen e qelizave nga stresi oksidativ si magnezi, zinku dhe seleni janë gjithashtu tejet të dobishme.
Por, më e rendesishmja është të shmangim sa më shumë ushqimet e proçesuara,fast food-et, patatinat dhe të tjera ushqime me konservantë.
