19 Oct Dhimbja e shpinës prek gjysmën e fëmijëve …
Arrijnë të dhëna shumë shqetësuese për shëndetin e shpinës së fëmijeve. Kujdes nga shpina, qëndrimi dhe tabletat
50% e fëmijëve që ndjekin shkollën fillore vuajnë nga dhimbjet e shpinës. Alarmi u nis pak ditë para fillimit të vitit të ri shkollor nga disa mjekë ortopedë.
Çantat e shpinës dhe mungesa e aktivitetit fizik janë dy ndër shkaqet kryesore:
Ekspertët tregojnë se dy ndër shkaqet kryesore janë pesha në çantën e shpinës dhe mungesa e aktivitetit fizik te femijët. Ndër shkaqet e tjera tregohet teprica e kohës së kaluar para tabletit ose videolojërave duke stimuluar një pozicion të pasaktë qëndrimi. Shoqata e ortopedëve tregon se numri i fëmijeve me dhembje shpine është dyfish më i madh në krahasim me atë të prindërve të tyre kur ata ishin në të njëjtën moshë.
Grupmosha midis 6 dhe 10 vjeç, që është saktësisht klasa e parë deri në të pestën, është më e rëndësishmja për zhvillimin e skeletit. Është thelbësore t’i kushtohet vëmendja e duhur.
Çfarë duhet të bëjnë prindërit?
Çantat e shpinës
Si fillim, vëmendja maksimale ndaj çantave të shpinës. Duhet të jenë sa më e rehatshme, të lehta dhe të prodhuara nga materiale që ndihmojnë në transportimin e tyre. Kjo mund të mos shkaktojë dëme serioze në shpinë, por sigurisht që mund të shkaktojë dhimbje shpine.Duke përmendur që ato mund të jenë shkaku i skoliozës te fëmijet. Mos harroni se pesha nuk duhet të kalojë kurrë 10-15% të peshës së fëmijës. Në realitet, pesha e çantës së fëmijeve është rreth 30% e peshës trupore të tyre.Gjithmonë duhet të vishen në të dy krahët për të shpërndarë më mirë ngarkesën.Gjithashtu këshilloni fëmijët që ta heqin atë nga supet e tyre kur nuk është e nevojshme ta mbajnë atë, siç mund të jenë ndalesat e transportit publik apo disa minuta bisedë mes tyre.
Qëndrimi:
Prindërit ose ata qe shoqerojne fëmijet duhet të sigurohen që të kene një qendrim të saktë, veçanërisht kur janë të zënë me detyrat e shtëpisë ,kur luajnë me pajisje elektronike ose shikojnë TV.
Sigurisht, duke kaluar shumë orë në shkollë, mësuesit gjithashtu duhet të punojnë në sjelljen e duhur. Nëse sensibilizohet si fëmijë, fëmija do të përvetësojë dhe mirëmbajë këtë sjellje në një mënyrë plotësisht automatike.
Sporti është thelbësor
Të bërit aktivitet fizik që fëmijë është thelbësor për të shmangur dhimbjen e shpinës. Duke trajnuar muskujt, dhe sidomos muskujt e shpinës që mbështesin shtyllën kurrizore të njeriut.Aktiviteti fizik gjithashtu lejon që fëmija të rritet me një mënyrë jetese të shëndetshme dhe ndihmon në kontrollin e peshës së trupit duke parandaluar shëndetin e tepërt.
Skolioza
Skolioza është një deformim tre-dimensional, me devijim lateral të shtyllës kurrizore.Forma më e zakonshme është ajo që shfaqet pas moshës dhjetë vjeç dhe përparon gjatë gjithë adoleshencës.
